Pregunta hopi hasí

Bo tin 18 aña òf bo ta mas bieu ku esei i bo tin nashonalidat hulandes, e ora ei bo tin mag di vota pa elekshon di miembro hulandes den Parlamento Oropeo.

Si bo vota, bo ta yuda disidí kua partido polítiko ta drenta Parlamento Oropeo pa e próksimo 5 añanan i ta representá Hulanda den Parlamento Oropeo. Parlamento Oropeo ta tuma desishon ku por tin impakto pa Hulanda. I di e forma ei tambe pa Boneiru.

Pues ku bo voto bo tin influensia riba futuro di Hulanda i Boneiru. P’esei ta importante pa bai vota.

Tin mas ku un urna, pues semper tin un pegá banda di bo. Bo tin mag di vota ku bo pas pa vota na kua urna ku bo ke. Tin un urna menshoná riba bo pas pa vota? Asina mes o tin mag di vota na kalke urna ku bo ke. Klek aki pa un lista di tur urna.

Un pas pa vota ta un invitashon pa vota. E ta un karta. Ta bo prueba personal ku bo tin mag di bai vota. Kada pas pa vota tin un number úniko i tin sierto karakterístika pa mustra ku e ta outéntiko, esaki ta pa evitá falsifikashon. Bo no por vota si bo no tin pas pa vota.

Ta manda e pas pa vota ku pòst na e adrès kaminda bo tabata inskribí 23 di aprel 2024 na departamento di Asuntu Sivil. Pa mas tardá 23 di mei 2024 bo ta haña bo pas pa vota den bo brivenbùs. Wak pa bo brivenbùs ta na un lugá kaminda partidó di karta por wak e bon.

Pa mas tardá 23 di mei 2024 bo ta haña bo pas pa vota den bo brivenbùs. Ta importante pa partidó di karta por wak bo brivenbùs bon pa bo por haña bo pas pa vota.  

Ta manda e pas pa vota na e adrès kaminda bo tabata inskribí 23 di aprel 2024 na departamento di Asuntu Sivil.  

Aki bo ta haña un lista di tur urna pa vota.

Nò. Bo por vota na kalke urna na Boneiru.

Tur urna ta habrí di 07:30 te 21:00 or.

Bai ku bo pas pa vota i un prueba di identidat bálido: bo pasport, sédula òf reibeweis. Bo prueba di identidat no mester a kaduká mas ku 5 aña. Si bo prueba di identidat a kaduká mas ku 5 aña, e ora ei bo no tin mag di vota.

Dia 23 di mei 2024 ainda bo no a haña e pas pa vota den bo brivenbùs?  For di 24 di mei 2024 te ku djaluna 3 di yüni bo por pidi un pas pa vota remplasante na departamento di Asuntu Sivil ku e formulario ‘pas pa vota remplasante’.

Download aki e formulario pa un pas pa vota remplasante.

Bo por apliká na dos forma pa e pas pa vota remplasante:

1. Yena e formulario ‘pas pa vota remplasante’vervangende ’ i meil  e pa: verkiezingenbonaire@bonairegov.com. Mester entregá e formulario yená pa mas tardá djaluna 3 di yüni 2024 na departamento di Asuntu Sivil.
2. Pasa na departamento di Asuntu Sivil, Kaya Neerlandia 40. Bai ku e formulario yená. Ora di ofisina  ta di djaluna te ku djaweps di 08:00 te 15:00 or. Na bali di departamento di Asuntu Sivil bo por pasa buska te djárason 5 di yüni 12 or un pas pa vota remplasante. No lubidá di bai ku un prueba di identidat bálido. 

For di 24 di mei 2024 te ku djaluna 3 di yüni 2024 bo por apliká  ku e formulario ‘pas pa vota remplasante’ na departamento di Asuntu Sivil ku e formulario ‘pas pa vota remplasante.’

Download aki e formulario pas pa vota remplasante.

Por apliká pa e pas pa vota remplasante na dos manera:

1. Yena e formulario ‘Vervangende stempas i meil e pa: verkiezingenbonaire@bonairegov.com. Mester entregá e formulario yená pa mas tardá djaluna 3 di yüni 2024 na departamento di Asuntu Sivil.
2. Bai na departamento di Asuntu Sivil, Kaya Neerlandia 40. Bai ku e formulario yená. E oranan di ofisina ta di djaluna te ku djaweps di 08:00 – 15:00 or. Te djárason 5 di yüni 2024, 12 or,  bo por pasa buska un pas pa vota remplasante na bali di departamento di Asuntu Sivil. No lubidá di bai ku un prueba di identidat bálido.

Tur urna ta aksesibel pa hende ku un limitashon físiko.

Bo por outorisá un otro votadó tambe pa vota pa bo. Wak na  ‘Mi mes no por bai urna pa vota. Un otro hende por vota pa mi.

Sí, bo por outorisá un hende pa vota pa bo. Por ehèmpel si bo ta pafó di Boneiru òf si bo ta malu. Bo por outorisá un hende ku ta biba na Boneiru i ku ta bai vota pa su mes tambe, òf outorisá un hende ku tin un asina yamá ‘pas di votadó ’. Un pas di votadó ta un deklarashon ku kual un hende ku no ta bibá na Boneiru tin mag di  vota.

Tin dos posibilidat:

1. Bo ta duna un otro votadó bo pas pa vota, Paga tinu: Semper esei mester ta bo inisiativa. Hende no tin mag di pidi bo bo pas pa vota ku bo a yena. Ta yama esaki ‘reklutashon di apoderashon’ i e ta kastigabel.
   Ta bo mes idea pa un otro hende vota pa bo? Yena e ora ei e parti atras di bo pas pa vota, abo i e otro hende mester mester firma parti abou.  Duna  e persona un kopia di bo prueba di identidat. Esaki por ta un kopia digital tambe ku e otro votadó ta mustra riba skrin di su selular na urna. E otro votadó tin mag di vota pa maksimal 2 hende. Si bo kambia di idea, i bo ke bai vota bo mes, pidi e persona bo pas pa vota bèk. Esaki ta bálido ainda.
2. Huntu ku e otro votadó bo ta yena e formulario ‘Apoderashon por eskrito’ Bo por download e formulario aki.
   Bo por pasa buska e formulario ‘apoderashon  por eskrito’ tambe na departamento di Asuntu Sivil na Kaya Neerlandia 40, òf pidi esaki via mail na verkiezingenbonaire@bonairegov.com.
   
   Abo mes mester yena un parti di e formulario. E persona ku ta bai vota na bo nòmber, tambe mester yena parti di e formulario.
   Mester entregá e formulario pa mas tardá promé ku djaluna 3 di yüni 2024. Bo por pasa buska e formulario na departamento di Asuntu Sivil na Kaya Neerlandia 40, òf pidi esaki via mail na verkiezingenbonaire@bonairegov.com. E oranan di ofisina ta di djaluna te ku djaweps di 08:00 – 15:00 or. E votadó ku ta bai vota na bo nòmber, ta haña un prueba e ora ei. E votadó akí no tin nodi di mustra un kopia di bo prueba di  identidat na urna Awor bo pas a vota no ta bálido mas.  Bo no por hala un apoderashon por eskrito aden.

Ora ta trata apoderashon via pas pa vota, bo ta duna un otro votadó bo pas pa vota. Ora ta trata un apoderashon via un formulario spesial,  bo ta yena un formulario huntu ku un otro votadó. E otro votadó ta haña e ora ei un prueba di apoderashon.

Si un hende ta blo aserká votadó pa nan dun’é nan pas pa vota yená, pa otro hende por hasi uso di dje, ta  yama esei reklutashon di apoderashon. Esaki ta kastigabel.

Bo tin mag di duna un otro hende bo pas pa vota yená solamente si abo ke esei. E votadó ku tin su mes pas pa vota, mester tuma inisiativa pa esei.

Ta kastigabel tambe pa ‘kumpra’ votadó regalando e algu òf primintiendo algu, òf di oblig’é na un otro forma pa entregá su pas di vota yená.  

Bo por vota despues di ora di trabou? Sino bo dunadó di trabou ta obligá pa duna bo liber pa bo bai vota (Kieswet, artikel J10).

Tur urna ta habrí di 07:30 te 21:00 or.

Kada urna ta diferente. Semper tin un mesa ku kolaboradó di e urna. Tin tres hòki pa vota i tin un buzon pa tira voto aden. Tin tambe un mínimo di 3 i un máksimo di 7 kolaboradó. Nan ta kontrolá bo pas pa vota i bo prueba di identidat. Despues bo ta haña e papel pa vota.

• Wak pa bo tin bo pas pa vota i bo prueba di identidat kla na man.
• No bai para dilanti e hòkinan pa vota: e kolaboradónan mester por wak entrada di e hòkinan pa vota.
• E kolaboradónan ta kontrolá bo pas pa vota i bo prueba di identidat. Bo ta haña un papel di vota. Riba e papel di vota tin tur e listanan ( i e partidonan) ku ta partisipá na elekshon. Tin tambe tur e kandidatonan ku bo por vota pa nan ariba.
• Bai ku bo papel di vota den e hòki pa vota. E hòkinan pa vota ta poné di tal manera ku niun hende no por wak ta pa ken bo ta vota.
• Klùr e rònchi ku tin dilanti di nòmber di e persona ku bo ke vota p’e kòrá. Dobla e papel di vota ora bo ta kla. Bo tin mag di keda sin vota pa niun kandidato. Esei yama voto blanko. Bo a kometé un eror? Pidi pa nan duna bo un papel di vota nobo. Bo tin mag di kometé un eror un biaha.
• Dobla e papel di vota despues ku bo a vota moda ku  no por wak e lista.
• Depositá bo papel di vota den e buzon di voto.
• Bo mester di ayudo debí na bo kondishon físiko? E ora ei un hende tin mag di kompañá bo pa yuda bo.

• Bo ta vota bo so. No drenta e hòki pa vota ku mas persona.
• Klùr e rònchi ku tin dilanti di nòmber di e persona ku bo ke vota p’e  kòrá. Dobla e papel di vota ora bo ta kla. Bo tin mag di keda sin vota pa un kandidato. Esei yama voto blanko.
• Bo a kometé un eror? Pidi pa nan duna bo un papel di vota nobo. Bo tin mag di kometé un eror un biaha. Dobla e papel di vota despues ku bo a vota moda ku  no por wak e lista.
• Depositá bo papel di vota den buzon di vota.
• Bo mester di ayudo debí na bo kondishon físiko? E ora ei un hende tin mag di kompañá bo pa yuda bo.

E ora ei bo por vota blanko. Bo no ta yena niun rònchi pa niun kandidato. Bo no ta skirbi òf pinta nada riba e papel di vota. Bo ta benta bo papel di voto blanko den e buzon di voto. Si bo pinta òf skirbi algu tòg riba e papel di voto, bo voto no ta blanko, e no ta bálido. 

Un voto blanko tin solamente un nifikashon simbóliko, e no por influensiá e resultado. Ke men bo voto no ta bai outomátikamente pa un di e kandidatonan. Un voto blanko ta konta sí pa asistensia na elekshon. 

Bo voto ta sekreto. Ningun hende no por wak kiko bo a vota. Bo ta bo so ora di vota. Ta solamente hende ku tin un limitashon físiko por haña ayudo den hòki di vota.

Bo no tin nodi di bisa niun hende pa ken bo a vota. Ta kastigabel si un hende obligá bo pa bisa pa ken bo a vota i ta eksigí por ehèmpel  un portrèt di bo eskoho di kandidato. Si bo sinti ku ta buta bo bou di preshon, denunsiá esaki mesora na polis.

Despues di elekshon ta konta e votonan Despues ta sigui resultado di elekshon i ta anunsiá kuantu  voto e partidonan polítiko a haña. E partido ku mas tantu voto ta haña mas tantu asiento pa Hulanda den Parlamento Oropeo.

Bo voto ta bálido:

Si bo a yena un rònchi ku kòrá dilanti nòmber di e persona ku bo ke vota p’e. Mester klùr e rònchi ful òf parsialmente ku kòrá. Bo no tin mag di skirbi òf pinta nada aserka pa despues.

Bo voto no ta bálido:

• Si no ta kla pa ken bo ke vota, por ehèmpel si bo a klùr dos rònchi ku kòrá.
• Si bo skirbi òf pinta algu ku ta pone ku un hende por sa ta ken a hasi esei.
• Si bo no klùr e rònchi kòrá pero a skirbi òf pinta algu sí riba e papel di vota.
• Si bo usa un otro papel di vota ku esun ku bo a haña di urna.
• Si bo usa un otro koló ku no ta kòrá.

Si bo kometé un eror,  bo papel di vota no ta bálido. Pidi un kolaboradó di urna pa un papel di vota nobo. Esaki por pa un máksimo di 1 biaha so.

Pa mas informashon tokante elekshon bo por tuma kontakto ku departamento di Asuntu Sivil, na number di telefòn +599 715 5330. Òf manda un meil na verkiezingenbonaire@bonairegov.com.

Orario di ofisina di departamento di Asuntu Sivil: di djaluna te ku djaweps di 08:00 te 15:00 or.