Elekshon di Parlamento hulandes

Elekshon Parlamento hulandes

Ora bo vota bo tambe ta yuda disidí ken ta drenta e siguiente 4 añanan den Parlamento hulandes. Parlamento hulandes ta traha entre otro lei nobo. E leinan akí por konta pa Boneiru tambe. P’esei loke nan disidí den Parlamento hulandes por tin influensia den bida di habitante di Boneiru manera abo. Ta importante pues pa bai vota.

Ki ora bo tin mag di vota?

Bo tin mag di vota pa Parlamento hulandes si:

• bo tin 18 aña òf ta mas bieu ku esei
• bo tin nashonalidat hulandes
• bo ta inskribí komo habitante di Boneiru
• bo no ta ekskluí di derechi di voto

Bo ta vota pa un kandidato di un partido polítiko

Bo por vota pa un kandidato di un partido polítiko hulandes ku segun bo tin por ehèmpel bon idea. Si e kandidatonan haña bastante voto, nan ta drenta Parlamento hulandes. Ei nan por influensiá lei i reglanan pa Hulanda i Boneiru.

Despues di elekshon e partidonan ta traha un plan

Ta konta voto despues di elekshon. Mas tantu voto un partido haña, mas asiento e partido ei ta haña den Parlamento hulandes. Parlamento hulandes ta konsistí di 150 miembro. Pa nan tin mag di goberná, partidonan ku ta kolaborá ku otro mester tin un mayoria di asiento. Ke men un mínimo di 76 asiento. E partidonan aki ta traha un plan huntu kon nan ta bai goberná Hulanda den e siguiente 4 añanan.

Si un partido no ke ta den e koalishon, e kantidat di asiento por baha bou di 76. E ora ei tin un minoria i gobièrnu mester baha.

Na Hulanda Parlamento (Tweede Kamer) i Senado (Eerste Kamer) ta forma huntu parlamento hulandes.

Momento/fecha importante

Basta tempu promé ku elekshon nobo,  bo ta haña riba e sait akí n tur momento/fecha importante.